नेपाः व भारत दथुया कासा सनिलय् जुइगु

येँ -अखिल नेपाल फुटबल संघ (एन्फां) नेपाः व भारत दथुइ जुइत्यंगु निगू मैत्रीपूर्ण कासाया ई सार्वजनिक याःगु दु । एन्फां निगुलिं कासा सनिलया ५ः३० ता इलय् जुइगु जानकारी बिउगु दु । नेपाः व भारतया दथुइ भदौ १७ व २० गते दशरथ रंगशालाय् निगू मैत्रीपूर्ण कासा जुइत्यंगु दु । कासाय् दर्शकयात प्रवेशया अनुमति बारे निर्णय जूगु मदुनि । थुकिया निर्णय मंगलवाः जुइगु एन्फाया महासचिव इन्द्रमान तुलाधरं धाःगु दु ।

नेपाःलिसे मैत्रीपूर्ण कासा म्हितेत भारतया राष्ट्रिय टिम नेपाः वयेधुंकूगु दु । साफ च्याम्पियनसिपया तयारीया निंतिं नेपाः व भारतं मैत्रीपूर्ण कासा म्हितेत्यंगु खः । साफ च्याम्पियनसिप असोज १५ निसें ३० गते तक माल्दिभ्सय् जुइ ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत