ने. सं. ११४६ अनलागा पारू -

विश्वासया मत कायेमाः कि म्वाः ?

एमालेया सरकार बचे यायेगु लागिं मुख्यमन्त्री हिलाबुला जूगु बागमति व प्रदेश नं. १ या न्हूपिं मुख्यमन्त्रीतय्सं विश्वासया मत कायेमाः लाकि म्वाः धइगु खँय् नं वहस शुरु जूगु दु । वय्कःपिंसं थःपिं बहुमतया सरकारं राजीनामा बीवं वहे पार्टीपाखें मुख्यमन्त्री जुयाः वयागु जूगुलिं विश्वासया मत कायेमाःगु आवश्यक मजू धयाच्वंगु दु ।

तर विपक्षी पार्टीतय्सं धाःसा विश्वासया मत कायेमाः धासें दबाब बियाच्वंगु दु । निगुलिं प्रदेशया न्हूपिं मुख्यमन्त्रीत यदि माधव नेपालया न्हूगु पार्टी मवल धाःसा विश्वासया मत दइगु सम्भावना म्हो जक दु । वय्कःपिं अल्पमतय् लानाः क्वःदल धाःसा थ्व निगुलिं प्रदेशय् एमाले इतर दलतय्गु सरकार गठन जुइ ।

थ्वयां लिपा केन्द्रनिसें कयाः देय्या फुक्क हे प्रदेशय् एमालेया सरकार समाप्त जुइ ।