सन्दीपं होबार्र्टं बिग बास लिग म्हितीगु

येँ – नेपाः राष्ट्रिय क्रिकेट टिमया स्पिनर सन्दीप लामिछानें झ्वःलाक निक्वःखुसी अष्टे«लियन फ्रेन्चाइज टिम होबार्ट हुरिकेन्सं बिग बास लिग ( बीबीएल) म्हितीगु जूगु दु । अष्टे«लियन फ्रेन्चाइज टिम होबार्टं बिहिवाः सन्दीपलिसेया सम्झौता नवीकरण याःगु खः । होबार्टं थ्व सिजनय् अनुबन्ध याःम्ह सन्दीप न्हापांम्ह अन्तर्राष्ट्रिय कासामि खः ।

वंगु सिजनय् सन्दीप होबार्ट पाखें च्यागू कासा म्हितूगु खःसा च्यागू विकेट नं काःगु खः । होबार्टसिबें न्ह्यः सन्दीपं मेलवर्न स्टार्सं बिग बास लिग म्हितूगु खः । बिग बास म्हितूम्ह सन्दीप न्हापांम्ह नेपाःमि कासामि खः । बिग बास लिगया न्हूगु सिजन थ्व हे डिसेम्बर ५ निसें जनवरी २८ तारिख तक जुइ ।

सन्दीप लामिछानें सम्झौता लिपा बिग बास म्हितेत थः उत्साहित जुया धाःगु दु । थ्व सिबे न्ह्यःया सिजन म्हिताबलय् तसकं न्ह्यइपुगु खँ सन्दीप कंगु दु । सन्दीपं बांलाःगु प्रदर्शन यानाः टिमयात सफल यायेगु नं धाःगु दु ।

सन्दीप लामिछाने वंगु सिजनया बिग बास लिग म्हितेधुंकाः मेगु छुं नं तःधंगु फ्रेन्चाइज लिग म्हितेखंगु मदुनि । सन्दीपं भिसाया कारणं दि हन्ड्रेड लिग व टी–२० भाइटालिटी ब्लास्ट म्हितेमखंगु खः । पाकिस्तान सुपर लिग कोरोनाया कारणं स्थगित जुल । अथे हे अमेरिका व ओमानलिसे जुइत्यंगु त्रिकोणात्मक सिरिज व क्यारेबियन सुपर लिग छगू हे इलय् लाःगुलिं सन्दीपं क्यारेबियन सुपर लिग नं म्हितेमखनः । सन्दीप आः नेपाःया राष्ट्रिय टिमलिसें आईसिसी विश्वकप लिग–२ अन्तर्गत अमेरिका व ओमानलिसे जुइत्यंगु त्रिकोणात्मक सिरिज म्हितेत ओमानय् दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन