थनिंनिसें विश्व नेवाः सम्मेलन, १४ गू देय्या नेवाः प्रतिनिधिपिं नेपाः थ्यंकः वल
येँ – विश्वन्यंकंया नेवाःत मुनाः यायेत्यंगु न्हापांगु विश्व नेवाः सम्मेलन थौं शुरु जुइ त्यंगु दु । येँया नेपाः ब्यांक्वेटय् थौं छगू ज्याझ्वःया दथुइ वाङमय शताब्दी पुरुष सत्यमोहन जोशीं उगु सम्मेलनया उलेज्या यानादी ।
सम्मेलनय् ब्वति कायेगु लागिं विश्वया थीथी १४ गू देय्या नेवाः प्रतिनिधिपिं नेपाः थ्यंकः वयेधुंकूगु दु । थौं जुइगु उलेज्या समारोहय् नेवाः न्ह्यलुवापिं पद्मरत्न तुलाधर, प्रा.माणिलाल श्रेष्ठ, मल्ल के. सुन्दर, राजेन्द्र श्रेष्ठ व प्रा. प्रेमशान्ति तुलाधरपिंसं वक्ताया रुपय् सम्बोधन यानादी । प्रमुख वक्ताया रुपय् डा. त्रिरत्न मानन्धरं मू न्वचु बियादी । अथे हे येँ, यल, ख्वप स्वंगुलिं नगरया मेयर लिसें नेवाः देय् दबूया नायः नरेश ताम्रकारयात नं पाहांया रुपय् ब्वना तःगु दु ।
वल्र्ड नेवाः अर्गनाइजेशनया नायः सिजन श्रेष्ठया सभापतित्वय् जुइगु उगु ज्याझ्वलय् संयोजक दयारत्न शाक्यं ज्याझ्वःया उद्देश्य व भावी नीतिया बारे न्ववानादी ।
अथे हे थीथी बाजं खलः व जातीय खलःपाखें म्येँ नं न्ह्यब्वइगु उगु ज्याझ्वलय् सम्मेलन सम्बन्धी स्मारिका नं विमोचन जुइ । निन्हुयंकं जुइगु ज्याझ्वलय् मुक्कं १८ गू ज्यापौ न्ह्यब्वइगु ग्वसाः दु ।
कन्हय् शनिवाः नं थीथी ज्यापौ न्ह्यब्वयेगुया नापनापं ‘झीगु थाय्बाय् झीगु सरोकार’ विषयय् छगू प्यानल डिसकसन ज्याझ्वः जुइसा अन्त्यय् छगू घोषणापत्र जारी यासें ज्याझ्वः सिधयेकी ।
थ्वहे झ्वलय् म्हिगः नेपालभाषा एकेदमिया ग्वसालय् नेपालभाषाया सपूm ब्वज्या नं शुरु जूगु दु । वल्र्ड नेवाः अर्गनाइजेशनया आह्वानय् थनिंनिसें निन्हुयंकं जुइगु ‘विश्व नेवाः दिवस’या लसताय् लाकाः एकेदमिं उगु सपूm ब्वज्या याःगु खः । विश्व नेवाः दिवसया मू ज्याझ्वः जुयाच्वंगु नेपाः ब्यांक्वेटय् जूगु ब्वज्याया उलेज्या अर्गनाइजेसनया नायः सिजन श्रेष्ठं रिबन चानाः ब्वज्याया उलेज्या यानादीगु खः । ब्वज्याय् नेपालभाषाया पुलांगु व महत्वपूर्ण सपूmनिसें न्हू न्हूगु सपूmत नं तयातःगु दु ।
सपूm ब्वज्याया उलेज्या म्हिगः जूगु खःसा उगु ब्वज्या थौं व कन्हय् तक न्ह्याइ ।
सम्मेलन लिपा वल्र्ड नेवाः अर्गनाइजेशनया पदाधिकारीतय्सं नेपाःया थीथी खलः पुचःलिसे अन्तक्र्रियात नं याइगु ग्वसाः दु ।
LEAVE YOUR COMMENTS