छवाःयंकं लुँया भाः थहां कुहां

येँ – थ्व वंगु वाःन्यंकं लुँया बजाः तसकं थथ्याःक्वथ्याः जुल । अमेरिकाय् रोजगारी अप्वयेवं लुँया भाः कुहां वंगु खँ नेपाल सुनचाँदी व्यवसायी महासंघया पुलांम्ह अध्यक्ष लिसें बजार विश्लेषक तेजरत्न शाक्यं कनादीगु दु ।

वय्कःया कथं अमेरिकी सरकारं वंगु जुलाई अन्तिम तक अमेरिकाया लेबोर डिपार्टमेन्टं ८ लाख ३० हजार मनूतय्त रोजगारी चूलाइगु विश्लेषण यानातःगु खःसा रोजगारी बजारय् ९ लाख ४३ हजार रोजगारी चूलायेवं लुँइ लगानी याइपिं म्हो जूगु व थुकिं यानाः लुँया भाः कुहां वःगु खः । उकथं हे अमेरिकी रोजगारी बजारय् तलब अप्वया वनाच्वंगुलिं नं आपालं मनूतय्सं लुँइ लगानी यायेगु म्हो याःगु खः ।

विश्लेषक शाक्यया कथं म्हीग अन्तर्राष्ट्रिय बजारय् प्रति औंश १७३५ डलर निसें १७२० डलर तकया दथुइ भाः थहां क्वहां जुयाच्वंगु खःसां म्हिगः धाःसा १६ डलर थहां वनाः १७५१ डलर कायम जूगु खः । म्हीग नेपालय् छापावाला लुँ तोलां ८८ हजार ८०० तका कायम जुयाच्वंगु खःसा म्हिगः खुसः तका थहां वनाः ८९ हजार ४०० तका कायम जूगु खः ।

विश्वया लुँ बजारय् लुँ न्याइपिं स्वयां अप्वः मीपिं खने दया वःगु कारणं यानाः नं लुँया भाः कुहां वयाच्वंगु खँ वय्कलं कनादिल । वय्कःया कथं अमेरिकी बजारय् रोजगारी अप्वया वन धाःसा लुँया भाः अझ नं कुहां वयाः प्रति औंश १७०० डलर स्वयां नं म्हो जुइगु सम्भावना खने दयाच्वंगु दु ।

नेपालभाषा टाइम्स

च्वमिया मेमेगु

• नेवाः हाइकु ख्यः न्हय्‌क्वःगु बुसादँ हना
• महाकवि सिद्धिदासया बुन्हिया लसताय् चिनाखँ व किपा च्वज्या कासा
• एनओएया रजत जयन्ती व न्हूधाः
• सामाजिक संजालं लुइकल स्वंगू दशक न्ह्यः तंगु मूर्ति
• परियत्तिया आधिकारिक वेबसाइट संचालन