शाक्य लिकयाः हानं घिसिङ !

येँ – बहादुर देउवाया सरकारं पूर्व प्रम केपी ओलीं नियुक्त यानातःपिं पदाधिकारीत चीकेगु ज्या नेपाल विद्युत प्राधिकरणंनिसें शुरु यायेत्यंगु संकेत बिउगु दु । प्राधिकरणया प्रमुख हितेन्द्रदेव शाक्ययात चीकाः आः अन पुलांम्ह हे प्रमुख कुलमान घिसिङ– यात नियुक्त यायेगु लागिं सरकारं प्रक्रिया शुरु याःगु खँ सीदुगु दु ।

थुकिया लागिं प्रधानमन्त्री शेर बहादुर देउवां थम्हं हे उर्जा मन्त्री पम्फा भुसालयात निर्देशन बियादीगु दुसा मन्त्री भुसालं नं प्रमुख शाक्ययात राजीनामा बीगु लागिं ‘निर्देशन’ बीधुंकूगु खँ सीदुगु दु । घिसिङया कार्यकाल पूवनेधुंकाः प्रम ओलीं शाक्यात प्राधिकरणया प्रमुख नियुक्त यानादीगु खः ।

प्रमुख शाक्ययात प्राधिकरणया घाटा पूवंके मफुगु, चुहावत पने मफुगु आदि लगायतया द्वपं मन्त्री भुसालं बियादीगु दु । देशय् लागू जुयाच्वंगु न्हिं १६ घौया लोडशेडिङ हटे याःगु कारणं सर्वसाधारण मनूतय् दथुइ घिसिङ अतिकं लोकंह्वाःम्ह व्यक्तित्व जुयाच्वंगु दु ।

सम्बन्धित बुखँ

LEAVE YOUR COMMENTS