चन्द्रागिरिया पुलांगु नेवाः वस्ती सांस्कृतिक संरक्षित क्षेत्र

येँ- येँया पश्चिम भेगय् लाःगु चन्द्रागिरि नगरपालिकाया पुलांगु नेवाः बस्तीयात सांस्कृतिक संरक्षित क्षेत्र घोषणा याइगु जूगु दु । चन्द्रागिरि नगरपालिकां नगर दुनेया पुलांगु नेवाः बस्तीयात सांस्कृतिक संरक्षित क्षेत्र घोषणा यायेत्यंगु खः ।

नगरपालिकां थःगु लागा दुने लाःगु थ्यंमथ्यं छगू दर्जन नेवाः बस्तीयात उकथं सांस्कृतिक संरक्षित क्षेत्र घोषणा यायेत्यंगु खः । नगरपालिकां नगर दुनेया पुलांगु नेवाः बस्ती मछेगां, सतुंगः, मातातीर्थ, किपुल्चा, बःखु, सिंर, बोसिगां, थक्वाः बलम्बु, यंकि दह, बालागांयात सांस्कृतिक संरक्षित क्षेत्र घोषणा यायेत्यंगु खः ।

नगर दुनेया थुपिं दक्वं नेवाः बस्तीयात सांस्कृतिक संरक्षित क्षेत्र घोषण यायेगु तयारी जुयाच्वंगु व उकिया निंतिं ऐन प्रतिवेदन तकं तयार जुइधुंकूगु नगरपालिकाया प्रवक्ता हरिभक्त महर्जनं जानकारी बियादिल ।

थुकथं हे नगर दुनेया दक्वं ब्वनेकुथिइ स्थानीय पाठ्यक्रम ब्वंकेगु निंतिं तयारी नं यायेधुंगु वय्कलं कनादिल । प्रवक्ता महर्जनं नगरपालिका दुनेया दक्वं ब्वनेकुथिइ स्थानीय पाठ्यक्रम नेपालभाषा विषय ब्वंकेत पाठ्यक्रम निर्माणया निंतिं तयारी न्ह्यायेधुंकूगु जानाकारी बियादिल ।

सम्बन्धित बुखँ

LEAVE YOUR COMMENTS