न्हापा श्री ५ आः श्रीमान् ५ !

येँ- एमालेया प्रवक्ता प्रदीप ज्ञवालीं संविधानया धारा ७६ (५) या अपव्याख्या कथं नेपाली कांग्रेसया सभापति शेरबहादुु देउवा प्रधानमन्त्री नियुक्त जूगु द्वपं बियादीगु दु । अदालतया फैसलां शक्ति पृथकीकरणया सिद्धान्तयात खलबले यानाः निर्दलीयताया अभ्यास याःगु दावी नापं वय्कलं माघ १९ या शाही कूया उदाहरण बिसें धयादिल, ‘न्हापा श्री ५ चं आः श्रीमान ५ पाखें फैसला वल ।’

वय्कलं धयादिल, ‘नेपाःया संसदीय इतिहासय् दलतय्गु विभाजनं सरकार क्वःथलेगु, संसद कमजोर यायेगु, प्रजातान्त्रिक व्यवस्था प्रति वितृष्णा ब्वलंकेगु ज्या यानाः न्हापा गृहमन्त्री व लिपा निक्वः तक प्रधानमन्त्री जूम्ह शेरबहादुर देउवा धारा ७६ (५) या सहारा कयाः हानं प्रधानमन्त्री जुइत्यंगु दु । संविधानया अपव्याख्या यानाः मेगु हे थासं निर्दलीयता दुत हयेगु ज्या जुयाच्वंगु दु, जिं वय्कःयात गुकथं भिन्तुना बी ?’

वय्कलं थःत छगू घटना लुमन धासें धयादिल, ‘२०६१ सालय् जुइमाः शेरबहादुर देउवा जुजुपाखें प्रधानमन्त्री नियुक्त जुयादिल, लिपा पदमुक्त जुयादिल, तर उगु इलय् वय्कलं जितः थौं न्याय जुल धकाः धयादिल ।’

सम्बन्धित बुखँ

LEAVE YOUR COMMENTS