वरिष्ठ म्येँ हालामि माणिकरत्नयात अजर अमर सम्मान
यल – नेपाल संगीतकार संघं वरिष्ठ म्येँ हालामि माणिकरत्न स्थापितयात ‘अजर अमर सम्मान’पाखें सम्मानित याःगु दु । परिष्ठ म्येँ हालामिलिसें संगीतकार स्थापितयात उगु सम्मान वय्कःया हे छेँय् वनाः लःल्हाःगु खः ।
थौंकन्हय् म्हं मफयाः थनया खुमलटारय् च्वंगु छेँय् च्वँच्वनादीम्ह वरिष्ठ म्येँ हालामि स्थापितयात उगु सम्मान संघया संरक्षक वरिष्ठ संगीतकार शम्भुजित बास्कोटां लःल्हानादीगु खः । वरिष्ठ संगीतज्ञ स्थापितयात वय्कःया छेँय् वनाः उगु सम्मान वापतया १,०१,१११÷– तका दां लःल्हाःगु खः ।
संघं बिउगु छगू जानकारीकथं कोरोना संक्रमणया जोखिम म्हो जुल धाःसा लिपा छगू तःजिगु ज्याभ्mवः हे यानाः सम्मान लःल्हायेगु ग्वसाः नं जुयाच्वंगु दु ।
वि.सं. १९९४ सालय् येँया मखंत्वालय् जन्म जुयादीम्ह वय्कलं २००७ सालनिसें औपचारिक रुपं थःगु गायन यात्रा न्ह्याकादीगु खः । वय्कलं दकलय् न्हापां मचा म्येँ हालाः थःगु गायन यात्रा न्ह्याकादीगु खः ।
LEAVE YOUR COMMENTS