यल मनपापाखें जलप्याखंयात ग्वाहालि

यल-यल महानगरपालिकां जलप्याखं संरक्षणया निंतिं आर्थिक ग्वाहालि याःगु दु । यल महानगरं जल देय् (हरिसिद्धि)या ऐतिहासिक व परम्परागत जलप्याखं संरक्षणया निंतिं नीन्यागू लख आर्थिक ग्वाहालि याःगु खः ।

यल महानगर प्रमुख चिरिबाबु महर्जनं जलप्याखं संरक्षणया निंतिं उगु आर्थिक ग्वाहालिया चेक लःल्हानादीगु खः । नगर प्रमुख महर्जनं हरिसिद्ध त्रिशक्ति भवानी सेवा समितिया नायः धनबहादुर महर्जनयात २५ गू लख दांया चेक लःल्हानादीगु खः ।

आर्थिक ग्वाहालि लःल्हाना कासे नायः महर्जनं जल देय्या परम्परागत, धार्मिक व ऐतिहासिक नापं मूर्त व अमूर्त जात्रा, पर्व, संस्कृति, कला आदि संरक्षणया निंतिं कोष स्थापना यानाः ज्या यायेमाःगु आवश्यक जुइधुंकूगु धासें यल मनपापाखें प्राप्त ग्वाहालिं थुगु ज्यायात तिबः जुइगु विश्वास प्वंकादिल । यल महानगरपालिकां थ्व स्वयां न्ह्यः दँय्दसं यल लाय्ूकूस्थित कात्ति दबुलिइ क्यनीगु कात्ति प्याखं संरक्षणया निंतिं ५० लख तका दां ग्वाहालि याःगु खः ।