नरोत्तम वैद्यया तरंग अझं जारी

येँ- नेपाली कांग्रेसया बागमति प्रदेशसभा सांसद नरोत्तम वैद्यं प्रधानमन्त्री केपी शर्मा ओलीया ‘हत्या’ जुइमाः धइगु आशय तयाः बियादीगु अभिव्यक्तिया तरंग अझं क्वलाःगु मदुनि । बागमति प्रदेश सभाया बैठकय् वय्कलं प्रम ओलीया अत्याचार पनेगु लागिं थः नाथुराम गोड्से जुइत तयार दु धकाः न्ववानादीवं तःधंगु हंगामा जूगु खः । वय्कःया उगु अभिव्यक्तियात कयाः प्यखेरं आलोचना जुइवं सांसद वैद्यं थःगु अभिव्यक्ति लित कयाः क्षमा समेत फ्वनादीगु खः । अथे खःसां वय्कःया उगु अभिव्यक्तियात कयाः मकवानपुरया एमाले समर्थित युवा संघं वैद्य विरुद्ध जिल्ला प्रहरी कार्यालयय् उजुरी तःगु खः । क्षमा फ्वनेधुंकाः नं हानं प्रहरीइ उजुरी बियाः मुद्दायात चर्के यायेत स्वःगु धासें कांग्रेसया बागमति प्रदेशसभा संसदीय दलं विरोध प्वंकूगु दु ।

नेपालभाषा टाइम्स

च्वमिया मेमेगु

• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन
• आः लाइसेन्सया पलेसा क्युआर कोर्ड दुगु रसिद
• माओवादीपाखें नं खुसि मापदण्डया विरोध