कोरोना लनेधुंकूपिं निम्हेसित हानं संक्रमण

येँ – कोराना भाइरस (काेभिड-१९)या संक्रमण लनाः अस्पतालं डिस्चार्ज जुयाः छेँ वनेधुंकूपिं निम्हेसित हानं संक्रमण खनेदुगु दु । रौतहट व भारतीय जमातीयात अज्याःगु संक्रमण खनेदुगु खः । भारतं लिहांवःम्ह रौतहटया ल्याम्ह व वीरगञ्जया छपकैयाया मस्जिदय् च्वनाच्वम्ह जमातीयात हानं संक्रमण जूगु खः । संक्रमितत वैशाख १४ गते नारायणी अस्पतालं डिस्चार्ज जूपिं खः । हानं स्वास्थ्य समस्या वय्वं निम्हेसितं अस्पताल भर्ना याःगु खः । आः उमित आइसोलेसनय् तयाः वासः जुयाच्वंगु दु ।