कोकाकोला फाउण्डेसनपाखें अक्सिजन युनिट स्थापनाया निंतिं ग्वाहालि

येँ- कोकाकोला फाउण्डेसनं अक्सिजन युनिट उत्पादनया निंतिं क्रियसन नांया संस्थायात ग्वाहालि याःगु दु । फाउण्डेसनं नेपालय् अक्सिजन उत्पादन याइगु युनिट स्थापनाया निंतिं उगु ग्वाहालि याःगु खः ।

कोरोना भाइरस (कोभिड–१९)या निगूगु लहरया संक्रमणया कारणं स्यना वनाच्वंगु नेपाःया स्वास्थ्य संकटयात बचे यायेगु व संक्रमितया उपचारय् तिबः बीगु ल्याखं फाउण्डेसनं अन्सिजन उत्पादन युनिट स्थापनाया निंतिं क्रियसनयात ग्वाहालि याःगु खः ।

फाउण्डेसनपाखें छगू विज्ञप्ती जारी यासें थुगु युटिन कोरोना संक्रमितया निंतिं दकलय् महत्वपूर्ण चिकित्सकीय उपकरणमध्ये छगू जूगु जानकारी नं बिउगु दु । फाउण्डेसनं नेपाल रेडक्रस सोसाइटीयात भ्याक्सिनेसन एक्सेस इनिसिएटिभ, सार्वजनिक खोप जागरुकता, फ्रन्टलाइनर वर्कर्स व भल्नेरेबल जनशक्तियात पर्सनल प्रोटेक्टिभ इक्विपमेन्ट नं लःल्हाःगु दु ।

नेपाःया आपालं अस्पतालय् स्थापना जुइधुंकूगु युनिटं न्हियान्हिथं ५० बेड व १५ गः सिलिन्डरतक केटर यायेफइगु फाउण्डेसनं जानकारी बिउगु दु ।