चौधरी त्वःतकेत वार्ता जारी

येँ -सांसद् रेशम चौधरीयात त्वःतकेगु निंतिं सरकार व थरुहट संघर्ष समिति दथुइ मंगलवाः न्ह्याःगु वार्ता बिहिवाः हाकनं च्वनेगु कथं स्थगित जूगु दु । गृह मन्त्रालयय् जूगु न्हापांगु चरणया वार्ताय् सरकार व समितिपाखें थःथःपिनिगु खँ तयेगु ज्या जूगु खः ।

वार्ताय् सरकारपाखें गृहमन्त्री रामबहादुर थापां हे नेतृत्व यानाच्वंगु दुसा समितिपाखें रुकमणि चौधरीया नेतृत्वया वार्ता पुचलं खँल्हाबल्हा न्ह्याकूगु खः ।

चौधरीयात त्वःतकेगु निंतिं आन्दोलन यानाच्वंगु थरुहट पक्षं थारु कल्याणकारी सभाया अध्यक्ष धनीराम चौधरी, सांसद् रेशम चौधरीयात तयातःगु मुद्दा लित कायेमाःगु, थरुहट आन्दोलनया झ्वलय् सीपिंत सहीद घोषणा यायेमाःगु, थारुतय्त बिस्कं हे आरक्षणया व्यवस्था यायेमाःगु लगायतया माग तया वयाच्वंगु दु ।

सम्बन्धित बुखँ

LEAVE YOUR COMMENTS