प्रधानमन्त्रीं संसद मसःतल धाःसा छु जुइ?

येँ – प्रतिनिधिसभाया बैठक क्वःछिनाः हे फैसला यायेगु खँ सभामुखपाखें बहस याःम्ह कानुन व्यवसायी लवकुमार मैनालीं धयादीगु दु । थःगु बहसया झ्वलय् वय्कलं उगु खँ धयादीगु खः ।

वय्कलं धयादी, ‘प्रधानमन्त्रीपाखे बहस याःपिं अधिवक्तापिंसं संसद पुनस्र्थापना जुयाः, प्रधानमन्त्री बैठक हे मसःतल धाःसा छु जुइ धकाः न्ह्यसः न्यनादीगु दु, अथे जुयाः श्रीमान फैसलाय् बैठकया मिति हे क्वःछीमाः ।’

बुधवाः प्रधानमन्त्रीपाखें प्रतिरक्षा बहस यायेगु झ्वलय् अधिवक्ता बालकृष्ण न्यौपाने प्रतिनिधिसभा पुनस्र्थापना जूसां नं प्रधानमन्त्रीं बैठक मसःतल धाःसा छु जुइ धकाः न्ह्यसः न्यसें धयादीगु खः, ‘छगू हे पार्टी सतकया निखे च्वनाः नारा थ्वयेकाच्वंगु दु, छगू हे पार्टीया सभामुखं सरकार विरुद्ध रिट ज्वनाः वइ, आः पुनस्र्थापना यायेबलय् प्रधानमन्त्रीं हाउस मसःतल धाःसा छु जुइ ?’ सभामुखपाखे बहस यायेगु झ्वलय् अधिवक्ता श्रीकृष्ण सुवेदी, लवकुमार मैनाली व श्यामप्रसाद खरेलंपिसं संसद विघटन असंवैधानिक व गैरकानुनी जूगु जिकिर याःगु खः ।

सम्बन्धित बुखँ

LEAVE YOUR COMMENTS