वैशाखं चुनाव मजूसा ओलीं राजीनामा बीगु ?

येँ – प्रधानमन्त्री केपी ओलीं वैशाखं चुनाव याइ लाकि याइ मखु धइगु खँयात कयाः नेपाली कांग्रेस दुने विवाद शुरु जूगु दु । पार्टी सभापति शेरबहादुर देउवां वैशाखय् चुनाव जुइ धकाः ओलीया धापूयात पत्याः यानाच्वंगु खँयात कयाः कांग्रेसया मेपिं नेतातय्सं वय्कःया आलोचना यानाच्वंगु दु ।

पार्टीया नेता मिनेन्द्र रिजालं सञ्चारकर्मीतय्त कनादीकथं देउवां प्रमयात यानाच्वंगु थ्व विश्वासं यानाः पार्टी दुने विवाद जुयाच्वंगु दु । रिजालं कनादी कथं प्रम ओलीं देउवायाथाय् मनू छ्वयाः यदि वैशाखं चुनाव याये मफुत धाःसा थम्हं हे राजीनामा बियाबी धकाः धायेके हःगु दु । चुनाव याके मफुत धाःसा ओलीं राजीनामा हे बी धकाः बचं बिउगु कारणं नं चुनाव जु हे जुइ धकाः देउवा ढुक्क जुयाच्वंगु खँ धाःगु दु ।

सम्बन्धित बुखँ

LEAVE YOUR COMMENTS