थिमिइ नं स्कुल चाल, ७ गू बुँदाया निर्देशिका जारी

थिमि (नेपालभाषा टाइम्स) – मध्यपुर थिमि नगरपालिकाया विद्यालय नं थनिंनिसें संचालनय् वःगु दु। कोरोना संक्रमणया कारणं थगुने चैतनिसें बन्द जुयाच्वंगु स्वनिगःया विद्यालयत धमाधम चायेकेगु झ्लवय् थनया ब्वनेकुथि नं थनिंनिसें संचालनय् वःगु खः ।

नगरपालिकाया शिक्षा समितिया वंगु सोमवाः च्वंगु बैठकं नगर दुनेया विद्यालय थनिंनिसें संचालन यायेगु निर्णय याःगु खः । विद्यालय संचालनया निंतिं नगरपालिकां न्हय्गू बुँया निर्देशिका नं जारी याःगु दु। समितिया बैठकं नेपाल सरकारं जारी याःगु विद्यालय संचालसम्बन्धी कार्यडाँचा-२०७७ कथं स्वास्थ्य मापदण्ड पुरा यानाः जक विद्यालय संचालन यायेगु निर्णय याःगु खः ।

विद्यालय संचालनया निंतिं जारी याःगु बुँदा नं ३ य् विद्यालय संचालन याये न्ह्यः आवश्यक सकतां तयारी पूरा यायेमाःगु, विद्यार्थीया ल्याः, भौतिक उपलब्धताया लिधंसाय् स्वास्थ्य मापदण्ड पालना यानाः आवश्यकताकथं विद्यालय संचालन कार्ययोजना विद्यालय व्यवस्थापन समितिपाखें स्वीकृत यानाः लागू यायेमाःगु खँ न्ह्यथनातःगु दु । विद्यालयय् दुहां वने न्ह्यः साब्वं लखं ल्हाः सिलेमाःगु, स्यानेटाइजर प्रयोग व मास्क अनिवार्य
यानातःगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित