मौसम सुधार जुयाः नं म्हो प्रदुषण

येँ – बुधवाःनिसें मौसमय् हिउपाः वयेवं स्वनिगः लिसें देय्या ममेगु थासय्ख नेदुगु वायुप्रदूषणया स्तर कुहां वःगु दु। सोमवाः व मंगलवाः स्वनिगः लिसें थीथी थासय् बांलाक निभाः त्वयेमफयेवं वायु प्रदूषणया स्तर नं तसकं तच्वयेके खनेदुगु खः । वायु प्रदूषणस्तर तच्वयाः सोमवाः स्वनिगः विश्वया हे दकलय्प्र दूषित शहर जूवंगु खः । तसकं प्रदूषण खनेदयेवं सरकारं तकं आकस्मिक सुचं हे जारी यासें म्वायेकं म्वायेकं छेँय् नं पिहां मवयेत इनाप याःगु खः ।

जल तथा मौसम विज्ञान विभाग अन्तर्गतया मौसम पूर्वानुमान महाशाखां बुधवाः निसें मौसमय् सुधार वयाः स्वनिगः लिसें देय्या यक्व थासय् मौसम सफा जूगु खँ धाःगु दु। मौसम सफा जुइवं वायुमण्डलय् दुगु धूया कण नं न्ह्याः वंगुलिं प्रदूषण नं म्हो खनेदुगु खँ महाशाखां धाःगु दु । नेपाःया थीथी शहरया एयर क्वालिटी इन्डेक्स (एक्युआई) औसत २०० स्वयां म्हो जुइगु खःसां सोमवाः व मंगलवाः स्वनिगःया ३३०, हेटौंडाया ४०० तक थ्यंगु खः । एक्युआई तसकं तच्वःगुलिं थनया वायु प्रदूषणया स्तर स्वास्थ्यया निंतिं खतरा जुइफुगु अवस्थाय् तक थ्यंगु खः ।

विश्व वायु प्रदूषणया मापन कथं एक्युआई शून्य निसें ५० तकयात स्वास्थ्यया निंतिं बांलाःगु, ५० निसें १०० तक सामान्य व थ्व स्वयां च्वय्या स्तरयात अस्वस्थ वातावरण कथं कायेगु याः । स्वनिगःया वायुप्रदूषण स्तर सामान्य इलय् विश्व स्वास्थ्य संगठनया मापडण्ड स्वयां न्यादुगः अप्वः प्रदुषित दु ।  विश्व स्वास्थ्य संगठनं सन् २०१८ य् नेपालय् वायु प्रदूषणया कारणं ३७ हजारम्हेसिया ज्यान वंगु खँ धाःगु दु ।

सम्बन्धित बुखँ

LEAVE YOUR COMMENTS