झाःझाः मत सीगु बारे प्राधिकरणया धापू

येँ (नेपालभाषा टाइम्स) – नेपाल विद्युत प्राधिकरणं तत्काल लोडसेडिङ यायेमाःगु अवस्था मदुगु खँ धाःगु दु । म्हीग शुक्रवाः प्राधिकरणया कायम मुकायम कार्यकारी निर्देशक हितेन्द्रदेव शाक्यं पत्रकार सम्मेलन यासें वंगु स्वदँ न्ह्यः हे लोडसेडिङ अन्त्य जुइधुंकूगु व हाकनं लोडसेडिङ यायेमाःगु अवस्था मवइगु खँ धयादीगु दु ।

छुं छुं थासय् प्राविधिक कारणं यानाः मत सीगु जुयाच्वंगुलिं हाकनं लोडसेडिङ जूगु खःला धकाः सामाजिक सञ्जालय् जिज्ञासां वयेवं वय्कलं पत्रकार सम्मेलन हे यानाः उगु खँ धयादीगु खः । वय्कलं अनावश्यक कारणं मत स्यायेगु ज्या मजूगु खँ धासें प्राविधिक कारणं मत सित धाःसा उकियात कयाः लोडसेडिङ धाये मजिउगु खँ नं धयादीगु दु ।

पत्रकार सम्मेलनया झ्वलय् वय्कलं थौंकन्हय् नेपाःया विद्युत प्रणालीइ प्राधिकरणया आन्तरिक उत्पादन, निजी क्षेत्रया उत्पादन मगाःगुलिं भारतं माग बराबरया विद्युत आपूर्ति जुयाच्वंगु खँ कनादिसें क्षमता स्वयां विद्युत अप्वः प्रवाह जूगु इलय् मत वनीगुयात लोडसेडिब धाये मजिउगु खँ धयादीगु दु ।

सम्बन्धित बुखँ

LEAVE YOUR COMMENTS