पत्रकार आचारसंहिता नेपालभाषा व मैथिलीं

येँ (नेपालभाषा टाइम्स) – प्रेस काउन्सिल नेपालं थःपिनि पत्रकार आचारसंहिता नेपालभाषां नं प्रकाशन याःगु दु । म्हिगः काउन्सिलया ज्याकुथी जूगु छगू ज्याझ्वःया दथुइ सञ्चार मन्त्री पार्वत गुरुङं नेपालभाषा व मैथिली भाषां अनुवाद यानाः पिथंगु पत्रकार आचारसंहिताया सफू विमोचन यानादीगु खः । उगु इलय् वय्कलं शैली पुस्तिका व मैथिली पत्रकारिताया इतिहास सफू नं विमोचन यानादीगु खः । मैथिली पत्रकारिताया इतिहास व आचारसंहिताया मैथिली अनुवाद पत्रकार धर्मेन्द्र झां यानादीगु खःसा नेपालभाषाया अनुवाद सुरेश मानन्धरं यानादीगु खः । प्रेस काउन्सिल नेपालया कार्यवाहक अध्यक्ष गोपाल बुढाथोकीया सभापतित्वय् जूगु उगु ज्याझ्वलय् पत्रकार महासंघया सभापति गोविन्द आचार्य लिसें काउन्सिलया प्रमुख कार्यकारी अधिकृत झविन्द्र भुषालं नं न्ववानादीगु खः ।

सम्बन्धित बुखँ

LEAVE YOUR COMMENTS