नेवाः पासाः पुचः स्पेन मैड्रिडया भिंतुना व कौला ज्याझ्वः
नेवाः पासा पुचः स्पेन मैड्रिडया ग्वसालय् मैड्रिडया नेवाःत मुनाः नेपाल संवत् ११३९ न्हूदँया लसताय् भिंतुना नापं म्हपुजा ज्याझ्वः जूगु दु ।
मूपाहाँ कथं स्पेनया लागि नेपाली राजदूत महामहिम भरत बहादुर रायमाझी झायादीगु ज्याझ्वः नेवाः पासा पुचः स्पेन मैड्रिडया नायः सुरेशमान सिंह डंगोलं न्ह्याकादीगु खःसा मयजु सुन्दरी लामा शाक्यं लसकुस यानादीगु खः । ज्याझ्वलय् स्पेनय् च्वनाच्वंपिं नेवाःत लिसें मेमेगु समुदाययापिनि सहभागीता दुगु खः ।
ज्याझ्वलय् नायःभाजु सुरेशमान सिंहं नेपाल संवतबारे ध्वाथुइकादिसें न्हूदँया भिंतुना बियादीगु खः । अथेहे नेपाली राजदूत महामहिम भरत बहादुर रायमाझीं नेवाःत संस्कृति, जात्रा, नखःचख, नसा व ब्यापारय् धनी जूगुलिं स्पेनय् नं झीगु संस्कृति, जात्रा, नखःचखः, नसात्वँसा व ब्यापारयात निरन्तरता बिइफयेमा धकाः भिंतुनादिल।
ज्याझ्वलय् पाहाँ कथं एनआरएनया दांभरि भाजु गोपाल शिल्पकार, अन्तरराष्ट्रिय नेपाली साहित्य समाज स्पेन च्याप्टरया छ्यान्जे पार्वती ओली व नेवाः पासा पुचः स्पेन मैड्रिडया संस्थापक दुजः भाजु अनुपराज शिल्पकारपिं झायादीगु खः ।
LEAVE YOUR COMMENTS