सिन्धुपाल्चोकय् भौगर्भिक अध्ययन शुरु
येँ (नेपालभाषा टाइम्स) – प्राकृतिक विपदया कारणं दकलय् अप्वः प्रभाव लाकाच्वंगु सिन्धुपाल्चोक जिल्लाय् भौगर्भिक अध्ययनया ज्या शुरु जूगु दु । सरकारं विपद संकटग्रस्त क्षेत्र घोषणा यानातःगु सिन्धुपाल्चोकय् वंगु शुक्रवाःनिसें भौगर्भिक अध्ययन शुरु जूगु खः । सिन्धुपाल्चोकया जोखिमयुक्त वस्ती जुगल गाउँपालिकाया लिदी, सन्चगाउँ, बोल्दे, नाम्फालिसें लिदीया विस्थापितत च्वनाच्वंगु बाँसखर्कय् भौगर्भिक अध्ययनया ज्या शुरु याःगु खः ।
वंगु बर्खां वा वःगु इलय् जिल्लाय् मदिक्क विपद वयेवं संघीय संसदया सभामुख अग्निप्रसाद सापकोटां जिल्लायात संकटग्रस्त क्षेत्र घोषणा यानाः आवश्यक पहल यायेगु सम्बन्धय् समन्वय यानादीगु खः । अध्ययन पुचलं जिल्लाया खागल, नागपुजे, जम्बु, भोटेकोशी व मेलम्ची लगायतया क्षेत्रय् नं अध्ययन याइगु जूगु दु ।
LEAVE YOUR COMMENTS