न्यूकासलया प्यक्वःगु जित लिसें झिगुगू अंकय्

येँ (बीबीसी) – न्यूकासल युनाइटेडं थुगु सिजनया प्रिमियर लिगय् प्यक्वःगु जित ल्हातय् लाकूगु दु । वंगु शुक्रवा चान्हय् जूगु लिगया छगू जक कासाय् न्यूकासलं लिपांगु निगू मिनेटय् निगू गोल यानाः क्रिस्टल प्यालेसयात २-० बुकूगु खः । त्यायेधुंकाः न्यूकासल १० गूगु थासय् थहां वंगु दु ।

प्यालेसया मैदानय् जूगु कासाया ८८ गू मिनेट तक कासा गोल रहित जुयाः बराबरी जुयाच्वंगु खः । तर लिपांगु निगू मिनेटय् न्यूकासलं निगू गोल यात । ८८ गू मिनेटय् कलुम विल्सनं गोल यानाः अग्रता बिउगु खःसा ९० गू मिनेटय् जोएलिन्टनं न्यूकासलयात निगूगु गोल याःगु खः ।

सिजनया प्यक्वःगु जित लिपा झिगू कासां झिगू अंक कयाः न्यूकासल झिगूगु स्थानय् थहां वंगु खः । थुगु सिजनया प्रिमियर लिगय् टोटनहम हट्सपर, लिभरपुल व लेस्टर सिटीं समान खुगू कासा त्याकूगु दु । पराजित प्योलस धाःसा झिगू कासापापखे १३ अंक सहित झिंस्वंगूगु स्थानय् दु ।