ने. सं. ११४६ बछलाथ्व चौथी - बुंगद्यः सालिगु

कक्षा १२या जाँचया इलय् विद्युत बन्द मजुइकथं ज्या यायेत निर्देशन

येँ – थनिंनिसें सुरु जूगु कक्षा १२ या जाँचयात लक्षित यासें नेपाल विद्युत प्राधिकरणं मर्मतया निंतिं विद्युत बन्द यायेगु ज्या मयायेत निर्देशन बिउगु दु । प्राधिकरणया प्रबन्ध निर्देशक हितेन्द्र देव शाक्यं फुक्कं वितरण शाखायात निर्देशन बियादिसें मंसिर १६ गते तक सुथय् ७ बजे निसें ९ बजे तक अज्याःगु ज्या मयायेत इनाप यानादीगु खः । नापं वय्कलं जाँचया इलय् विद्युतिय लाइन ट्रिप जुइगु वा लाइन वनीगु समस्या प्रति सजग जुइत नं वितरण शाखातय्त निर्देशन बियादीगु दु ।

वैशाख महिनाय् जुइमाःगु कक्षा १२ या जाँच कोरोना महामारीया कारणं न्हय्ला लिपा जक सुरु जूगु खः । राष्ट्रिय परिक्षा बोर्डं स्थानीय तहया समन्वयय् कोरोना सम्बन्धी मापदन्ड कथं जाँच संचालन याःगु खः ।