मंसिर २ गते बिदा

येँ (नेपालभाषा टाइम्स) – सरकारं मंसिर २ गते किजापुजा कुन्हु नं बिदा बीगु जूगु दु । सोमवाः च्वंगु मन्त्रिपरिषद् बैठकं २ गते कुन्हु नं बिदा बीगु निर्णय याःगु खःसा थुकिया जानकारी म्हिगः गृह मन्त्रालयं बिउगु खः । थुगुसी तिथिया गडबडीं यानाः नेवाःतय् म्हपुजा व किजापुजा याइगु न्हि नं गडबड जुयाच्वंगु दु । गुलिसिनं आइतवाः म्हपुजा यानाः सोमवाः किजापुजा याइगु जुयाच्वंगु दुसा गुलिसिनं सोमवाः म्हपुजा यानाः मंगलवाः किजापुजा याइगु जुयाच्वंगु दु । लिपांगु न्हि कुन्हु किजापुजा याइपिंत समस्या जुइगु जुयाः मंसिर २ गते नं बिदा बीमाःगु माग नेपाल संवत् न्हूदँ राष्ट्रिय समारोह समितिं याःगु खः ।