ने. सं. ११४६ बछलाथ्व पञ्चमी - दयावीरसिं बुदिं

कोटेश्वरय् गेस्टहाउसय् मिसा सिनाच्वन

येँ (नेपालभाषा टाइम्स) – म्हिगः येँया कोटेश्वर च्वंगु छगू गेष्ट हाउसय् छम्ह मिसा सिनाच्वंगु अवस्थाय् लूगु दु । गेष्ट हाउसया २०४ नम्बर कोठाय् यलया सुनाकोठीया २५ दँया शुभलक्ष्मी अधिकारी सिनाच्वंगु अवस्थाय् लूगु खः । कोटेश्वरया पाथीभरा भोजनालय एण्ड गेष्ट हाउसय् अधिकारी सिनाच्वंगु अवस्थाय् लूगु खँ महानगरीय प्रहरी प्रभाग कोटेश्वरं जानकारी बिउगु खः । प्रहरीया कथं अधिकारी मंगलवाः उगु होटलय् च्वंवःगु खः । म्हिगः सुथय् तक दनाः मवःगुलिं गेष्ट हाउसया स्टाफपिंसं स्वंवंगु इलय् सिनाच्वंगु अवस्थाय् लूगु खः । अधिकारी छु जुयाः सीगु खः धइगु पुष्टि मजूनि । अथेखःसां नं सीम्हेसिके लागू वासः नाइट्रोभेट नं लूगु खँ प्रहरीं धाःगु दु ।