ख्वपय् संक्रमित अप्वयाच्वन
ख्वप (नेपालभाषा टाइम्स) – ख्वपय् कोरोना संक्रमितया ल्याः ५५०० थ्यंगु दु । थ्व तथ्यांक वंगु शुक्रवाःतकया खः । कोरोना संक्रमितलिसें थन कोरोनापाखें सीपिनिगु ल्याः नं अप्वया वनाच्वंगु दु ।
जिल्ला स्वास्थ्य ज्याकू ख्वपं बिउगु जानकारीकथं जिल्लाय् वंगु शुक्रवाःतकया लिपांगु तथ्यांककथं ३,१७५ म्ह मिजं व २,४२१ म्ह मिसा कोरोना संक्रमित दु । थुकथं हे जिल्लाय् कोरोना संक्रमणपाखें सीपिं नं ६९ म्ह थ्यंगु दु । वंगु बुधवाः व विहीवाः निन्हुया दुने ख्वपय् कोरोना संक्रमित न्याम्ह सीगु खः ।
जिल्लाय् कोरोनापाखें सीपिनिगु ल्याः समग्र नेपाःया तुलनाय् निदुगं अप्वः दुगु स्वास्थ्य ज्याकूया प्रमुख कृष्ण मिजारं कनादीगु दु। वय्कःया धापूकथं कोरोना संक्रमणपाखें समग्र नेपालय् मृत्यु दर ० दशमलव ६ प्रतिशत दुसा जिल्लाय् संक्रमितया मृत्यु दर १ दशमालव २३ प्रतिशत दु । थुकथं हे जिल्लाय् कोरोना भाइरस संक्रमण मुक्त जूपिनिगु दर ६७ दशमलव ३३ प्रतिशत दु ।
LEAVE YOUR COMMENTS