ने. सं. ११४६ बछलागा चौथी -

शनिवाः न्हिछिया दुने १७ म्ह मंत

येँ (नेपालभाषा टाइम्स) – कोरोना संक्रमणया कारणं न्हियान्हिथं सीपिनि ल्याः नं अप्वया वःगु दु। म्हिगः न्हिछिया दुने १७ म्हेसिया ज्यान कोरोनाया कारणं वंगु दु। छुं न्हि न्ह्यवनिसें नेपालय् कोरोना संक्रमिततय् ल्याः न्हियान्हिथं अप्वया वःगु खःसा संक्रमितत अप्वया वःकथं हे सीपिनि ल्याः अप्वया वइगु विज्ञतय् धापू कथं हे आः सीपिनि ल्याः नं बुलुहुँ अप्वया वःगु खः । म्हिगः सीपिं सहित नेपालय् कोरोनाया कारणं सीपिं ९३७ म्ह थ्यंगु दु । म्हिगः न्हिछिया दुने २५०८ म्ह कोरोना संक्रमितत थप जूगु खः । थुकी मध्ये १३५७ म्ह स्वनिगःयापिं लाःगु दु । थुकिया लिसें स्वनिगलय् जक सक्रिय संक्रमिततय् ल्याः २०३४४ म्ह थ्यंगु दु ।