खनेदइकथं ज्या याये : श्रेष्ठ

येँ (नेपालभाषा टाइम्स) – शहरी विकास मन्त्रीइ नियुक्त जुयादीम्ह कृष्णगोपाल श्रेष्ठं म्हिगः थःगु पदभार ग्रहण यानादीगु दु। पदभार ग्रहण यानादिसें मन्त्री श्रेष्ठं थःम्हं सकसिनं खनीगु कथंया ठोस ज्या यायेगु प्रतिबद्धता नं प्वंकादीगु दु। पत्रकारत लिसे खँ ल्हायेगु झ्वलय् वय् कलं राज्यमन्त्री रामवीर मानन्धरलिसे जानाः लिच्वः खनेदइ कथंया ज्या यायेगु खँ धयादीगु खः । वय्कलं थः खँ स्वयां नं ज्या व ज्याया लिच्वलय् विश्वास याइम्ह जूगुलिं निम्हेसिगु मंकाः कुतलं वइगु फुक्क कथंया हाथ्या चिइकाः ज्या यायेगु खँ धयादीगु खः ।

वय्कलं म्हिगः हे नवनियुक्त अर्थमन्त्री विष्णु पौडेल, महिला, बालबालिका तथा समाज कल्याण मन्त्री लिलानाथ श्रेष्ठलिसें राष्ट्रपति विद्यादेवी भण्डारीपाखें पद व गोपनियताया शपथ कयादीगु खः ।