सर्लाहीइ २० म्ह मल्याक प्रहरी घाःपाः

येँ – सर्लाहीइ म्हिगः कांग्रेस कार्यकर्ता व प्रहरी दथुइ झडप जूबलय् प्रहरीया डिएसपी सहित पीम्हं मल्याक घाःपाः जूगु दु। कांग्रेस कार्यकर्ता महेन्द्र रामया हत्यारायात कारवाही यायेत माग यासें जिल्ला प्रहरी कार्यालयय् घेराउ याःवःपिं कांग्रेस कार्यकर्तात ज्याकु दुने दुहां वनेगु कुतः यायेवं झडप जूगु खः । झडपय् लानाः प्रहरीपाखे छम्ह डिएसपी सहित २२ म्ह घाःपाः जूगु दुसा प्रदर्शनकारीतपाखे नं २० म्हं मल्याक घाःपाः जूगु खँ धाःगु दु। प्रहरी कार्यालय घेराउ याःवःपिंत पनेत प्रहरीं ३१ राउण्डं मल्याक अश्रु ग्यास कयेकूगु खः । प्रदर्शनकारीतय्सं रामनगर गाउँपालिकाया महेन्द्र रामया हत्यारायात कारवाही यायेमाःगु, रामयात शहीद घोषणा यायेमाःगु व पीडित परिवारयात क्षतिपूर्ति बीमाःगु माग याःगु खः ।