लःया भाः थमकायेत हाकनं सहमति

येँ (नेपालभाषा टाइम्स) – लः छगू जारय् झितका भाः थकाःपिं लः व्यवसायीत आः हाकनं तुरुन्त लःया भाः थमकायेत सहमत जूगु दु। वाणिज्य, आपूति तथा उपभोक्ता हित सरंक्षण विभागलिसे म्हिगः जूगु सहलह लिपा थकयागु भाः लित कायेत व्यवसायीत सहमत जूगु खः । संसदीय समितिइ लःया भाः थकायेगु विषयय् लानाच्वंगु उजुरीइ निर्णय मजूतले भाः थमकायेत नेपाल बोटल वाटर उद्योग संघ सहमत जूगु खँ विभागं धाःगु दु। संघं वंगु असोज १८ गते निसें एकतर्फी रुपं लःया भाः थकायेत परिपत्र याःगु खः । विभागया सुचना अधिकारी रविन्द्र आचार्य थःपिं निरन्तर अनुगमनय् दइगु खँ धासें यदि लःया भाः थकया मियाच्वंगु खन धाःसा कारवाही जुइगु खँ धयादीगु दु। संघं लः छगः जारया झितका थकयां ५० तका याःगु खः ।

सम्बन्धित बुखँ

LEAVE YOUR COMMENTS