ने. सं. ११४६ बछलागा दशमी -

पशुपतिइ विकास कोषय् निरन्तर धर्ना

येँ – पशुपति क्षेत्र विकास कोषं तयार याःगु गुरुयोजना विरुद्ध म्हिगः नं स्थानीय वासिन्दा पशुपति क्षेत्र विकास कोष घेराउ याःगु दु । पशुपति क्षेत्र मंकाः संघर्ष समितिया ग्वसालय् स्थानीय वासिन्दां नाराबाजी यासें घेराउ याःगु खः । थ्वहे झ्वलय् म्हीग बहनी संस्कृति, पर्यटन तथा नागरिक उड्डयन मन्त्रालयं छगू विज्ञप्ति जारी यासें समितिं प्वंकाच्वंगु असहमतियात कयाः थःपिनिगु ध्यानाकर्षण जूगु खँ धाःगु दु । मन्त्रालयया उपसचिव दुर्गाप्रसाद भुर्तेलं जारी याःगु उगु खँ धयातःगु खः ।