इन्डिजिनियस टेलिभिजनय् ब्रुस लीया आत्मकथा

येँ (नेपालभाषा टाइम्स) – नेपाःया आदिवासी समुदायया इन्डिजिनियस टेलिभिजनय् मार्शल आर्ट (कुंगफु)या विश्व चर्चित कासामि नापं नायक ब्रुस लीया धारावाहिक श्रृंखला प्रशारण जुइगु जूगु दु ।

खस् नेपाली भासं प्रशारण जुइगु उगु श्रृंखला थ्व हे वइगु असोज २२ गतेनिसें विहीवाः पतिकं बहनिसिया ९निसें १० बजे तक प्रशारण जुइ । उकिया पुनः प्रशारण शनिवाः ४, आइतवाः बहनि १० व सोमवाः न्हिनय् ३ ताः इलय् जुइ । अरनिको समाजं ब्रस लीया अमरकथायात खस नेपाली भासं अनुवाद यानाः स्थानीय टेलिभिजनपाखें प्रशारण यायेत्यंगु खः ।

ब्रुस लीया जीवनीयात आधार दयेका प्रशारण यायेत्यंगु थ्व न्हापांगु टेलिभिजन श्रृंखला नं खः । थुग श्रृंखलाय् ब्रुस लीं थःगु ३२ दँया चिहाकःगु जीवनय् छु गज्याःगु संघर्ष यानाः विश्वय् थःत कुंगफु मार्शल आर्टया छम्ह सशक्त कासामि व कुंगफु संकिपाया नायकया रुपय् स्थापित यायेत सफल जुल धइगु प्रसंगयात न्ह्यब्वये त्यंगु दु। लिसें ब्रुस लीया व्यक्तिगत व पारिवारिक विषयय नं थुकी स्वये फइ ।

सम्बन्धित बुखँ

LEAVE YOUR COMMENTS