मन्त्रिमण्डल पुर्नगठन बारे खँ मजू

येँ – म्हिगः च्वंगु नेकपाया सचिवालयया बैठकय् सरकार पुनर्गठनया बारे छुं हे कथं चर्चा मजूगु खँ सीदुगु दु । प्रधानमन्त्री निवास बालुवाटारय् च्वंगु बैठकय् मेगु विषयसं सहलह जूसां नं मन्त्रिपरिषद पुनर्गठनया बारे धाःसा छुं हे चर्चा मजूगु खँ नेकपाया प्रवक्ता लिसे सचिवालय दुजः नारायणकाजी श्रेष्ठं कनादीगु दु । मन्त्रिपरिषद पुनर्गठन यायेमाः धकाः पार्टी दुने चर्चा जुयाच्वंगु खःसां नं म्हिगःया सचिवालय बैठकय् उकियात कयाः सुनां नं खँ न्ह्यमथँगु खः । म्हिगःया बैठकया झ्वलय् प्रधानमन्त्री केपी शर्मा ओली थीथी देय्या राजदूत नियुक्ति झ्वलय् पार्टीयाके सल्लाह तकं मयाःगु धासें आपत्ति प्वंकूगु दु । थ्व स्वयां न्ह्यः च्वंगु सचिवालयया बैठकं सरकारं याइगु गुगुं नं कथंया निर्णय पार्टी लिसे सहलह यानाः जक यायेगु सहमति जूगु खः ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत