स्वनिगलय् ९४३ संक्रमित

येँ (नेपालभाषा टाइम्स) – स्वनिगलय् जक म्हिगः ९४३ म्ह कोरोना भाइरस संक्रमित थप जूगु दु। स्वास्थ्य मन्त्रालयया प्रवक्ता प्रा. डा. जागेश्वर गौतमया कथं बिहीवाः स्वनिगलय् थप ९४३ पुष्टि जूगु खः । उकि मध्ये येँय् ८१७, ख्वप ५८ व यलय् ६८ म्ह संक्रमित पुष्टि जूगु खः । स्वनिगःया थीथी प्रयोगशालाय् उगु पुष्टि जूगु खँ डा. गौतमं म्हिगः ग्वसाः ग्वःगु पत्रकार सम्मेलनय् जानकारी बियादीगु खः । वय्कःया कथं म्हिगः जक देय्न्यंकं १९११ म्ह संक्रमित थप जूगु दु ।