यलय् साइकल गस्ती

येँ (नेपालभाषा टाइम्स) – यल महानगरपालिकाया नगर प्रहरीं म्हिगः निसे साइकल गस्ती न्ह्याकूगु दु। नकतिनि नीस्वंगु नगर प्रहरीया साइकल गस्ती म्हिगः उपमेयर गीता सत्यालं उलेज्या यानादीगु खः । थ्व साइकल गस्ती सुथय् १० बजे निसें बहनी ५ बजे तक महानगर क्षेत्रय् गस्ती याइगु खँ धाःगु दु। साइकल गस्ती नगरवासीयात समस्या जूगु इलय् तत्काल थ्यंके फइगु खँ नगर प्रहरी प्रमुख सीताराम हाछेथुं कनादीगु दु। वय्कलं नगरया फुटपाथ लागाय् पसः तयेकेगु ज्या बन्द यायेत नं थुकथं गस्ती यायेगु ज्या जुइगु खँ कनादीगु दु ।