विमान दुर्घटनाय् सीपिं ५१ म्ह थ्यन

येँ – त्रिभुवन विमानस्थलय् जूगु बंगलादेशया युएस बांग्ला विमान दुर्घटना सीपिनि ल्याः ५१ म्ह थ्यंगु दु । गृहमन्त्रालयं छगू वक्तव्य पिथँसें सीपिनि ल्याः ५१ म्ह थ्यंगु खँ धाःगु दु । मन्त्रालयं विमानया प्यम्हं चालक दलया दुजःपिं सीगु खँ धाःगु दु । तर गुबलय् गन सीगु खँ न्ह्यथनातःगु मदु ।

गृह मन्त्रालयया वक्तव्य कथं उपचार जुयाच्वंम्ह विमानया क्याप्टेन आविद हसन नं सीगु दु । थ्वयां न्ह्यः बंगलादेशया राजधानी ढाकाय् युएस बांग्ला एयरलाइन्सं पत्रकार सम्मेलन यानाः क्याप्टेन आविद हसद मसिनीगु जानकारी बिउगु खः ।

गृहमन्त्रालयया कथं सीपिं नेपाली २२ म्ह, बंगलादेशी २८ म्ह व चिनियाँ नागरिक छम्ह लाःगु दु ।
गृहमन्त्रालयं थौं पितबिउगु वक्तव्य ः