छगू हे थासय् तःगू उद्यान

यल (नेपालभाषा टाइम्स) – यल महानगरपालिकाया जावलाख्यलय् छगू हे थासय् तःगू उद्यान दयेकीगु जूगु दु। जावलाख्यलय् छगू हे थास् छक्वलं चिल्डे«, मिडल, पिस व गणेशमान नांया प्यंगू उद्यान दयेकेत्यंगु खः ।

यल महानगरपालिकाया प्रमुख चिरिबाबु महर्जनं थुपिं प्यंगुलिं उद्यानया शिलान्यास यानादीगु खः । उद्यान शिलान्यास यानादिसें यल मनपा प्रमुख शाक्यं नगरस्तय् प्यंगू गौरवशाली आयोजना अन्तर्गत उद्यान निर्माण यायेत्यनागु जानकारी बियादिल । यल मनपां लः जन्य व हरियाली प्रवद्र्धन यायेगु परियोजनायात प्राथमिकताय् तयाः थुकथं प्यंगू पार्क निर्माणया ज्या न्ह्याकागु जानकारी बियादिसें २६ आना ३ पैसा क्षेत्रफलय् निर्माण जुइगु प्यंगू उद्यान ७८ गू लाख पीच्याद्वः तका लागतय् निर्माण जुइगु जानकारी बियादिल ।

प्रमुख महर्जनं न्हियान्हिथं अप्वया वनाच्वंगु शहरीकरणया कारणं इलय् हे थुकथंया खुल्ला थाय्या संरक्षण यायेगुपाखे ध्यान मबिल धाःसा लिपा वइगु पुस्तां तसकं समस्या फयेमालीगु जक मखु इमित अन्याय यायेगु नं जुइ धयादिल । महानगरपालिकाया वरिष्ठ इन्जिनियर रामरतन शाहं दक्वं उद्यान बाल व अपांगमैत्री जुइगु जानकारी बियादिल ।

यल मनपां लगंख्यल व कुमारिपाटीस्थित प्रसादी एकेदेमि लिक्कं नं उद्यान दयेकाच्वंगु दु। यल मनपां आवंलिं महानगर दुनेया गुगुं नं खुल्ला थासय् भवन निर्माण याके मबीगु नीति कयागु नं जानकारी बिउगु दु। उगु इलय् उपप्रमुख गीता सत्याललिसें विशिष्ट अधिकारीतय् नं उपस्थिति दुगु खः ।