थीथी थासय् हिदान

किपु- ब्लड डोनर्स एशोसिएशन नेपाल (ब्लोदान) किपु नगर समिति, नेरेसो किपु उपशाखा व न्हू बजाः क्लबया मंकाः ग्वसालय् निन्हुया न्हि शुक्रवाः नं आकस्मिक हिदान ज्याझ्वः जुल । आःया विषम परिस्थितीइ हिदानया विशेष महत्व दुगु व छगू थासय् भीडभाड मजुइगु कथं स्वंगू थासय् हिदान याःगु खः । हिदानया झ्वलय् पांगाय् ५१ युनित, न्हू बजारय् ३९ व चिठुविहारय् २२ युनिट यानाः ११२ युनिट हि संकलन जूगु दु । उगु इलय् मुकं ८१ म्ह मिजं व ३१ म्ह मिसां हिदान याःगु खः ।

नेरेसो ख्वप रक्तसंचार सेवाया प्राविधिक ग्वहालि व किपु नगरपालिकाया सहकार्यय् हिदान जूगु ज्याझ्वःया संयोजक सन्तोष महर्जनं जानकारी बियादिल ।

अथेहे शुक्रवाः हे ब्लोदान यल जिल्ला गोदावरी नगर समितिया ग्वसालय् छम्पिइ जूगु हिदानय्र ५२ युनिट हि संकलन जूगु दु । ब्लोदानं थीथी संघसंस्थानाप सहकार्य यासें आकस्मिक हिदान ज्याझ्वः यानावयाच्वंगु आवश्यक जूपिं विरामीतय्त सहजरुपं हि उपलब्ध याकेत ग्वाहालि जूगु खँ धाःगु दु ।