आयुर्वेद वासलं २१५ म्ह कोरोना संक्रमितया सफल उपचार

येँ- कोरोना संक्रमण आयुर्वेद वासः पाखें लनाच्वंगु खँ धाःगु दु । राष्ट्रिय आयुर्वेद अनुसन्धान व तालिम केन्द्र किपूया कार्यकारी निर्देशक डा. राम अधर यादवं किपूया केन्द्रय् हे जक शनिवाः तकया दुने २१५ म्ह कोरोना संक्रमिततय् सफल उपचार यायेधुनागु खँ धयादीगु दु ।

नेवाः पत्रकार राष्ट्रिय दबूपाखें वय्कःलिसे शनिवाः फेसबुक लाइभय् खँल्हाबल्हा यानादिसें वय्कलं थ्व खँ धयादीगु खः । वय्कलं आः थन मेपिं १२५ म्ह नं उपचारय् याकाच्वंगु खँ धयादीगु दु ।

खँल्हाबल्हाया झ्वलय् वय्कलं आयुर्वेदपाखें सफल उपचार याकावंपिं विरामी व वय्कःया छेँजःपिं तसकं लय्ताःगु खँ नं धयादीगु दु ।
वय्कःलिसे जूगु खँल्हाबल्हाया भिडियो स्वयादिसँ –