कोरोनां यानाः थौं बौया ख्वाः स्वये नं प्रभावित

येँ (नेपालभाषा टाइम्स) – कोरोना संक्रमणया कारणं यानाः थौं बौया ख्वाः स्वयेगु नखः नं प्रभावित जूगु दु। बौया ख्वाः स्वयेगु न्हि कुन्हु मेला जुइगु गोकर्णय् थौं सुयातं दुमकाइगु खँ धाःगु दु। अन बौ मदुपिं वनाः म्वः ल्हुइगु चलन दु। अथे हे थीथी धार्मिकस्थलत बन्द जुयाच्वंगु कारणं थौं बौ मदुपिंसं गुर्जु वा द्यःबाज्यायात निसलाः बीगु ज्या समेत प्रभावित जुइगु खने दयाच्वंगु दु। लिसें छेँय् छेँय् यक्व मनू मुनाः बौया ख्वाः स्वयेगु ज्या नं मजुइगु जूगुलिं थौं न्हापा थें मरि पसलय् न्हापा थें यक्व मरि मीगु ज्या नं जुयाच्वंगु मदु। जोर बिजोर प्रणालीं नं नखः प्रभावित जुयाच्वंगु दु ।

सम्बन्धित बुखँ

LEAVE YOUR COMMENTS