प्रेस पास नवीकरण स्थगित

येँ (नेपालभाषा टाइम्स) – सूचना व प्रशारण विभागं प्रेस प्रतिनिधि प्रमाणपत्र (प्रेस पास) जारी व नवीकरण यायेगु ज्या तत्कालया निंतिं स्थगित याःगु दु। विभागं छगू विज्ञप्ती जारी यासें प्रेस पास जारी व नवीकरण यायेगु ज्या तत्कालया निंतिं स्थगित यानागु जानकारी बिउगु दु । कोभिड-१९ या जोखिम अप्वया वनाच्वंगुलिं तत्कालया अनलाइन, भर्चुअल व विद्युतीय माध्यमपाखें सेवा प्रवाह यायेगु सम्भव मजूगु विभागं न्ह्यथंगु दु। विभागं मेगु सुचं जारी मजूतलेया निंतिं स्थगित यानागु नं स्पष्ट याःगु दु ।