त्रिविविया जाँच हानं लिज्यात

येँ (नेपालभाषा टाइम्स) – त्रिविविं तत्काल जाँच मकाइगु जूगु दु। कोरोना संक्रमण अप्वया वनेवं त्रिविं तत्काल जाँच मकायेगु निर्णय याःगु खः । थ्व स्वयां न्ह्यः वइगु भदौ १६ गतेनिसे सेमेष्टर व असोजया न्हापांगु वानिसें वार्षिक परीक्षा कायेगु तयारी याःगु खः । भदौ १ गते निसें ताःहाकःगु दुरीया यातायात सञ्चालन जुइधुंकाः स्वनिगः पिनेया विद्यार्थीत येँय् वये फइगु अनुमान यासें न्हापा परीक्षा सञ्चालन यायेगु तयारी याःगु खःसां नं सोमवाः भदौ १५ गते तक पिनेया यातायात चले मयाकेगु निर्णय वयेवं परीक्षा स्थगित यायेमाःगु खः ।