यलय् थौंया मतयाः नं स्थगित

यल (नेपालभाषा टाइम्स) – सापारुया झ्वलय् थौं यलय् मतयाः न्यायेकेगु ज्या नं स्थगित जूगु दु। सापारुबलय् येँ व ख्वपय् मदुपिनि नामय् सायाः पिकाइगु खःसा यलय् दुतिया कुन्हु मतयाः पिकाइगु खः । तर कोरोना संक्रमणया कारणं थौं मतयाः पिकायेगु ज्या स्थगित यायेगु सुचं पित बिउगु खः । यलय् बुंगद्यःया रथ सालेगु जात्रा नं कोरोनाया कारणं अन्यौलय् लानाच्वंगु दु। बुंगद्यःयात रथय् बिज्याकेधुंकूसां सालेगु साइत पिमकाःगुलिं रथ जात्रा अन्यौलय् लानाच्वंगु दु ।