परियत्तिइ ताःलाःपिंत दसिपौ लःल्हात

येँ (नेपालभाषा टाइम्स) – जगतसुन्दर ब्वनेकुथि परियत्ति केन्द्रया ग्वसालय् बु. सं. २५६३ लय् ब्वनेकुथिपाखें परियत्तिइ ताःलाःपिंत शुक्रवाः छगू ज्याझ्वःया दथुइ सिरपाः व दसिपौ लःल्हात । परियत्तिइ ताःलाःपिंत येँ महानगरपालिका प्रवक्ता नापं १५ वडाअध्यक्ष ईश्वरमान डंगोलं दसिपौ लःल्हानादीगु खः ।

परियत्ति केन्द्रया ग्वसालय् जूगु ज्याझ्वलय् पाहांकथं युवा बौद्ध समूहया नायः मदनरत्न तुलाधर, लोककवि राजभाई जकःमि, ब्वनेकुथिइ परियत्ति केन्द्र नीस्वनेत भूमिका म्हितादीम्ह डा. त्रिरत्न मानन्धरपिंसं परियत्ति शिक्षाया महत्वयात कयाः नुगः खँ प्वंकादीगु खः । परियत्तl केन्द्रया केन्द्राध्यक्ष माया मानन्धरया सभापतित्वय् न्ह्याःगु ज्याझ्वः ब्वनेकुथिया प्रिन्सिपल सुनिता मान्धरं न्ह्याकादीगु खःसा ज्याझ्वलय् परियत्तिइ ताःलाःपिं ३५ म्ह विद्यागर्थीपिंत सिरपाःकथं ब्याग छगः व स्टेशनरी ज्वलं देछाःगु खः ।

सम्बन्धित बुखँ

LEAVE YOUR COMMENTS