
एजेन्सी – भारतय् कोरोना संक्रमित जूपिनि ल्याः १५ लाख पार याःगु दु । बुधवाः २४ घन्टाया दुने ४८ हजार ५१३ म्हेसिके कोरोना पोजिटिभ खनेदयेवं मुक्कं संक्रमिततय् ल्याः १५ लाख ३१ हजार ६६९ म्ह थ्यंगु खः । भारतय् बुधवाः २४ घन्टाया दुने कोरोनां ७६८ म्हेसिया ज्यान वंगु दुसा थ्व लिसें कोरोनां सीपिनि ल्याः ३४ हजार १९३ म्ह थ्यंगु दु ।
सरकारी अधिकारीतय् कथं भारतय् कोरोना भाइरस संक्रमितत मध्ये ९ लाख ८८ हजार २९ म्ह मनू सफल उपचार लिपा लिहां वने धुंकूगु दु । आः भारतय् ५ लाख ९ हजार ४४७ म्ह संक्रमित दनि । मेखे अमेरिकाय् मंगलवाः छन्हुं हे १ हजार ५९२ म्ह मनूत कोरोना संक्रमणं सीगु दु । थ्व ल्याः वंगु निलात्याया अवधिइ २४ घन्टाया दुने सीपिनि ल्याखय् दकलय् अप्वः खः । स्थानीय ई कथं मंगलवाः चान्हय् ८ः१० ताःई तक छन्हुं हे थन ६० हजार म्हेसिके संक्रमण खनेदुगु खँ बाल्टिमोर आवद्ध विश्वविद्यालययं जानकारी बिउगु दु ।
अमेरिकाय् बुधवाः तकया दुने ४४ लाख ९८ हजार ३४३ म्हेसित संक्रमण जुइधुंकूगु दुसा १ लाख ५२ हजार ३२० म्हेसिया ज्यान वने धुंकूगु दु । विश्वन्यंकं बुधवाः न्हिनय् तकया दुने १ करोड ६९ लाख १ हजार ४०७ म्हेसिके संक्रमण खने दयेधुंकूगु दुसा विश्वन्यंकं ६ लाख ६३ हजार ५५७ म्हेसिया ज्यान वने धुंकूगु दु ।
LEAVE YOUR COMMENTS