दुर्घटनाग्रस्त विमानय् चालक दलनापं ७१ म्ह यात्रु

त्रिभुवन अन्तर्राष्ट्रिय विमानस्थलय् अवतरण यायेगु झ्वलय् दुर्घटनाग्रस्त जूगु बंगलादेशया युएस बंगलाया विमानय् चालकदलया सदस्य नापं ७१ म्ह दुगु सीदुगु दु । विमानस्थल स्रोतया कथं दुर्घटनाग्रस्त विमानय् ६७ म्ह यात्रु व ४ चालक दलया सदस्यनापं ७१ म्ह दुगु खः ।
बंगलादेशया राजधानी ढाकां येँ वयाच्वंगु उगु विमान अवतरण यायेगु झ्वलय् अनियन्त्रित जुयाः दुर्घटना जूगु खः । दुर्घटना जुइवं विमानय् मिं नःगु खःसा उकियात नियन्त्रणय् कायेगु कुतः जुयाच्वंगु दु ।
विमानस्थल स्रोतं बिउगु जानकारी कथं विमानय् यात्रा यानाच्वंपिं मध्ये १४ म्हेसिया उद्धार याःगु दुसा इमित अस्पताल यंकूगु दु ।
दुर्घटनाया थप विवरण वयेगु क्रम जारी दु । विमान दुर्घटना जुइवं आः उडान व अवतरण बन्द यानातःगु दु ।