मुख्यमन्त्रीं हे धाल – सरकारी ज्याकू माफियाया कब्जाय्

ख्वप (रासस)– प्रदेश नं. ३ या मुख्यमन्त्री डोरमणि पौडेलं सरकारी ज्याकू दलाल व माफियाया कब्जाय् लानाच्वंगु खँ धयादीगु दु ।
आइतवाः ख्वपया चांगुनारायण नगरपालिकायात पूर्ण खोपमुक्त नगर घोषणा यायेगु ज्याझ्वलय् न्ववानादिसें वय्कलं आम नागरिकयात माफियां ज्या हे यायेमफइगु अवस्थाय् थ्यंकाबिउगु खँ धयादीगु खः ।

‘सरकारी ज्याकुथिइ संस्थागत रुपं हे भ्रष्टाचार जुयाच्वंंगु दु, ध्यबा मनकुसे ला ज्या हे यायेफइगु अवस्था मदु । न्ह्याथाय् वंसां भ्रष्टाचार जुइ’, मुख्यमन्त्री पौडेलं धयादिल, ‘सारा माफियाया सञ्जाल न्यनाच्वंगु दु । न्ह्याथाय् वंसां दलालयात मज्वंक ज्या हे यायेफइमखु । फुक्कं ज्याकू दलालतय् कब्जाय् दु ।’

भ्रष्टाचारया जाः स्यंकाः भ्रष्टाचार अन्त्य यायेमाः धयादिसें वय्कलं धयादीगु दु, ‘आः देय्यात भ्रष्टाचार मुक्त यायेमाः । थुकिया निंतिं जिमिसं बचं बी, भ्रष्टाचारपाखें देय्यात मुक्त यायेगु जुइ ।’

सम्बन्धित बुखँ

LEAVE YOUR COMMENTS