साउन ७ गत तक लकडाउनयात निरन्तरता

येँ – सरकारं साउन ७ गते तकया नितिं लकडाउन थौंकन्हय् न्ह्यानाच्वं कथं हे निरन्तरता बीगु जूगु दु । सोमबा: च्वंगु मन्त्रिपरिषद् बैठकं लकडाउनयात आः गथे न्ह्याना च्वंगु खः अथे हे निरन्तरता बीगु क्वःछिउगु खः । थ्व निर्णय कथं आः म्होतिं नं साउन ७ गते तक सार्वजनिक सवारी साधन, हल, जिमहल, स्कुल, द्यः–देगः, स्वीमिङ पुल, पुृचलय् म्हितीगु कासा, डान्सबार, सफूकुथि आदि मचालीगु जूगु दु ।

अथेहे उद्धारया निंतिं जुइगु उडान बाहेक छुं नं कथंया हवाइ सेवा संचालन जुइमखु । निजी सवारी साधन नं थौंकन्हय् थें जोर विजोर कथं जक संचालन यायेदइ । रेष्टुरेन्टत नं होम डेलिभरी यायेकथं जक चायेके दइ ।
अथेहे मन्त्रिपरिषद्या बैठकं थ्व अवधिइ मास्क, सेनेटाइजर व सामाजिक दूरीयात कडाइपूर्वक लागु यायेगु नं निर्णय याःगु दु ।