न्यातपौ देगःया बुसादँ

ख्वप (नेपालभाषा टाइम्स) – ख्वपया नांजाःगु न्यातपोल देगःया बुसादँ न्यायेकूगु दु। वंगु छुं न्हिं न्ह्यवंनिसें देगःया पलिइ सरसफाइ यायेगु ज्या जूगु खःसा म्हिगः ध्वाँय् ब्वयेकाः बुसादँ न्यायेकूगु खः ।

न्यातापोल देगः नेपाल संवत् ८२२ स दिल्ला पारुया न्हि कुन्हु दयेकेगु क्वचायेकूगु लसताय् थुकथं दँय्दसं बुसादँ न्यायेकेगु परम्परा न्ह्यानाच्वंगु खः । म्हिगः बुसादँ न्यायेकेगु झ्वलय् तुयुगु कापतय् ह्याउँगु चन्द्रकार दुगु ध्वाँय् ब्वयेकूगु खः । उगु ध्वाँय्यात ख्वप भासं भूषादान धायेगु याइ ।

न्यातापोल देगः नेपाल संवत् ८२२ स जुजु भूपतिन्द्र मल्लया पालय् दयेकेगु ज्या क्वचाःगु खः । तान्त्रिक विधिं दयेकूगु उगु देगः खुलाया दुने दयेके ज्या क्वचायेकूगु विश्वास यानातःगु दु ।

२०७२ सालय् ब्वःगु तःभुखाचं देगःया च्वय्या भागय् बांमलाक क्षति याःगु खः । थौंकन्हय् ख्वप नगरपालिका व स्थानीय मनूतय् श्रमदानं देगः ल्ह्वनेगु ज्या जुयाच्वंगु दु। देगः ल्ह्वनेत ख्वप नगरपालिकां ६५ लाख १३ हजार तकाया बजेट फ्यानातःगु दु ।

सम्बन्धित बुखँ

LEAVE YOUR COMMENTS